JEALSA Rianxeira vén de achegarnos unha serie de consellos prácticos sobre a correcta reciclaxe dos refugallos domésticos que non están de máis nestes tempos de confinamento, se temos en conta que, precisamente por aumentar o tempo pasamos no fogar, increméntase tamén os residuos que xeramos. “Debemos lembrar que temos que seguir reciclando, non só para manter limpo o noso fogar, senón polo noso planeta”, sinala a empresa boirense.
Sobre este punto, dende Rianxeira poñen o foco na necesidade de ler as etiquetas dos envases para resolver as dúbidas que poidamos ter sobre onde depositar un material desbotado concreto. No respecta ao caso concreto dos produtos de Rianxeira, a empresa recorda que os envases de papel e cartón dos seus produtos teñen que ir para o contedor azul, e as latas (plásticos e envases) para o acubillo amarelo.
A conserveira tamén nos recomenda reducir o tamaño dos refugallos para introducir a meirande cantidade deles nunha mesma bolsa e pon o foco tamén na sensibilización a nivel doméstico: cómpre inculcar os hábitos de reciclaxe nos máis pequenos da nosa casa, un pequeno-gran xesto que “pode marcar a diferencia para a sustentabilidade do medio ambiente nun futuro próximo”.
