Toxo Telecom, a operadora de telecomunicacións con sede en Ribeira, segue a poñer en marcha iniciativas que boten unha man á xente en tempos de COVID-19 e, tamén de desescalada. Segundo fixo saber a empresa estes días pasados, no mes de maio será ben difícil para os seus clientes quedarse sen datos (tan vitais para teletraballar, teleformarse, manter unha comunicación completa con amigos e familiares e garantir contidos de lecer durante o que resta de confinamento). O motivo? O lanzamento dunha oferta que lles achega 10 GB extra sen ningún tipo de custe.
A iniciativa, extensíbel a todo o mes de maio, está xa a disposición de todos os clientes, que poden obter máis información a través da web de Toxo Telecom e do teléfono móbil 602 247 247.
