A agrupación Malasombra Jazz dará un concerto este sábado 13 de decembro en Noia: unha cita organizada pola Sociedade Liceo de Noia, que incluirá (previamente) unha degustación de conservas. Será, polo tanto, unha noite de blues, soul e funk para celebrar a calidade dos nosos produtos delicatessen do mar, concretamente da Conserveira Mariscadora (regados con viño branco). A cita dará comezo ás 21.30 horas coa degustación e proseguirá unha hora máis tarde co concerto de Malasombra Jazz.
Malasombra Jazz é un grupo musical con base en en Santiago de Compostela que empezou dar os seus primeiros concertos no ano 2013 e cuxas diversas formacións foron cambiando ao longo do tempo.
A súa formación en 2025 compóñena Fredi Miserable á batería, Álvaro P. Vilariño naguitarra, Juan Froján no baixo eléctrico, Juan Peñas ao saxo alto, Manuel Varela na voz e Guillermo “Willy” Prieto na trompeta, coa colaboración do pianista Javier Constenla. O seu repertorio actual abrangue unha variedade de estilos (blues, soul, latin) pero sen perder nunca a súa conexión co jazz. Así, ademais de estándares destes estilos, incorporan tamén versións propias de temas interpretados por Jamie Cullum, John Scofield, Sting, Marvin Gaye, Santana, Michael Bublé, Stevie Wonder ou Bill Withers.
Pódese escoitar unha mostra da súa música e traxectoria na súa web e nas redes sociais Facebook e Instragram.
