A Concellería de Cultura do Concello de Ribeira informou da suspensión da función prevista para este venres, 12 de decembro, no marco da Mostra de Teatro, que ía ter lugar no auditorio municipal ás 21:15 horas. A decisión adoptouse por causas de organización e forza maior.
A Concellería de Cultura do Concello de Ribeira informou da suspensión da función prevista para este venres, 12 de decembro, no marco da Mostra de Teatro, que ía ter lugar no auditorio municipal ás 21:15 horas. A decisión adoptouse por causas de organización e forza maior.
O espectáculo “Berenguela na Gaiola”, da compañía Galeatro, con texto de Manuel María e dirección de Paula Carballeira, queda adiado a unha nova data que se anunciará no primeiro trimestre de 2026. As persoas que desexen asistir poderán facelo empregando a mesma entrada ou bono da Mostra correspondente á función prevista para mañá.
Para aqueles espectadores que non desexen acudir na nova data, habilítase a posibilidade de solicitar a devolución do importe íntegro da entrada, incluídos os gastos de xestión, a través da plataforma Ataquilla.com, mediante correo electrónico desde a súa web ou aplicación.
Desde a Concellería de Cultura, transmítese o agradecemento pola comprensión e pídense desculpas polas molestias ocasionadas.
