A alcaldesa de Ribeira, María Sampedro, participou este venres 21 na inauguración da mostra Alcogravado, no Museo do Gravado de Artes; primeiro acto tamén en calidade de presidenta da Fundación Museo de Artes do Gravado. Esta exposición chega trala impartición dun obradoiro único en
España, froito das sinerxías entre esta institución museística e a Universidade e o Instituto Universitario de Investigación en Arte e Tecnoloxía de Salamanca.
O resultado son 38 obras derivado do proceso de aprendizaxe de 38 artistas que se formaron no gravado sobre metal empregando o
mordente da man dos profesores José Fuentes, Isabel Carralero e Antonio Navarro.
“O mundo da estampa está en constante actualización, asumindo novas técnicas para renovar a maneira de facer e desfrutar da arte”,
manifestou a rexedora quen gabou o labor pedagóxico do Museo e felicitou ao profesorado e alumnado participante que “converten esta
visita nunha experiencia excepcional.” Nesta mesma liña, Sampedro puxo en valor a institución museística como “indiscutible motor cultural que espalla arte alén das nosas fronteiras dende unha parroquia que non pode levar nome máis axeitado”.
Exposición colectiva
Carmen Alonso, María Baamonde, Alejandro Bobillo, Sonia Cabello, Mercedes Calderón, Yolanda Carbajales, Fernando Carballa, Isabel
Carralero, Dolores Cela, Alberto García, Rafa Gómez, Ramón Grau, Maite Janeiro, Imma Jiménez, Pepe Lijó, Aida López, María Teresa López, Meis, Encarna Méndez, Mar Mendoza, Mónica Montero, Antonio Navarro, Nuria Pena, Alberto Pena, Antonio Pérez, SandraRamos, Concha Redondo, Rosa Rico, Ester Rincón-Benzalá, Delio Rivadulla, Ana R. Barbará, Lucía Romes, Pastor Rodríguez, Isabel Somoza, Olga Tenorio, Andrés Touceda, Mariña Vázquez e Néstor Vega son os artistas que exploraron esta técnica e asinan os gravados.
