A conselleira de Vivenda e Planificación de Infraestruturas, María Martínez Allegue, mantivo unha reunión de traballo coa alcaldesa de Ribeira, María Sampedro, para analizar diversas actuacións prioritarias no ámbito das infraestruturas para o municipio.
O encontro celebrouse en San Caetano e contou tamén coa presenza da directora territorial da Consellería na Coruña, Begoña Freire. Durante a reunión, abordáronse diferentes liñas de actuación de interese para Ribeira, centradas na mellora de servizos, na planificación urbanística e no impulso de proxectos destinados a reforzar o desenvolvemento local.
Desde a Consellería salientaron que esta xuntanza se enmarca na liña de colaboración permanente cos concellos, ofrecéndolles apoio técnico e administrativo para facilitar a execución de iniciativas que contribúan a mellorar a calidade de vida da veciñanza e a potenciar a competitividade económica da contorna.
