O programa, dirixido a nenos e nenas de 3 a 16 anos, desenvolverase no CEIP Flavia entre o 22 de decembro e o 7 de xaneiro. As inscricións poderán formalizarse do 13 ao 20 de novembro
O programa Concilia Nadal regresa este ano a Padrón con novidades: comezará un día antes e aumenta o número de prazas, que pasa de 40 a 45 participantes. A iniciativa, organizada polo Concello de Padrón a través da Concellería de Servizos Sociais, ten como obxectivo facilitar a conciliación da vida familiar e laboral durante o período de vacacións escolares.
O Concilia Nadal 2025 desenvolverase os días 22, 23, 24, 26, 30 e 31 de decembro, e os 2, 5 e 7 de xaneiro, nas instalacións do CEIP Flavia, en horario de 7.45 a 15.15 horas. O programa está dirixido a menores de 3 a 16 anos escolarizados e empadroados no Concello de Padrón. No caso de quedar prazas vacantes, poderán participar tamén menores doutros concellos.
O prazo de inscrición permanecerá aberto do 13 ao 20 de novembro, e o prezo de participación é de 50 euros. As solicitudes poden presentarse por vía telemática ou de forma presencial, no rexistro do Concello ou no departamento de Servizos Sociais.
O Concilia Nadal é unha iniciativa cofinanciada pola Unión Europea a través do programa FSE+ Galicia 2021-2027, coa colaboración da Consellería de Política Social e Igualdade e do Ministerio de Igualdade.
As persoas interesadas poden obter máis información chamando ao 981 817 025.
