O Concello de Muros recibiu a semana pasada, na Academia Galega de Seguridade Pública (AGASP), novo material tecnolóxico para o desenvolvemento do traballo do Grupo de Emerxencias Supramunicipal (GES), concretamente novas tabletas coas que facilitar a asistencia á cidadanía e a resposta ante emerxencias.
Sandra Maneiro, concelleira de Seguridade Cidadán de Muros, e Manuel Lago, do GES, foron as persoas encargadas de recoller estes dispositivos tecnolóxicos, que irán nos camións para os desprazamentos de emerxencias.
A información da emerxencia actualizarase en todo momento a través das tabletas, que tamén terán as coordenadas do punto no que teñen que realizar a actuación e a través delas poderán solicitarse máis medios de emerxencias, policiais ou sanitarios.
