Proseguen esta fin de semana as actividades do II Ciclo Cultural Infantil Itinerante de Porto do Son, organizado pola Área de Cultura de Concello co obxectivo de achegar lecer, música e artes escénicas a todas á rapazada de todas as parroquias do concello.
Este domingo 12 de outubro é a quenda do contacontos musical Os Rizos de Lía (Tulis), que nos conta a historia de Lía, unha nena valente que emprende unha viaxe chea de emocións, aventuras e descubrimentos. Será na Casa da Cultura de Miñortos, a partir das 18.00 horas. A encargada de contar a historia de Lía será Paty Lesta. Organiza o Concello coa colaboración da Deputación de Coruña.
A través deste espectáculo, o público infantil conecta con valores como a amizade, a autoestima, o respecto pola identidade ou a importancia de confiar nunha mesma. Todo isto acompañado de música “para reflexionar, emocionarse e bailar”, segundo avanza Tulis, a contadora aventureira.
Cristian Leggiero: creador da historia e compositor das cancións da mesma
Paty Lesta – Tulis, a contadora aventureira: cantante e narradora.
