Na tarde deste luns 22 de setembro a dotación de garda do Grupo de Emerxencias e Protección Civil Municipal de Ribeira foi mobilizada polo CIAE 112 por un accidente de tráfico no punto quilométrico 2 da estrada DP-7305, cun motorista ferido e en parada cardiorespiratoria, o cal foi inmobilizado e trasladado o Hospital da Barbanza por unha ambulancia do 061.
O dispositivo foi unha intervención conxunta coa Policía Local de Ribeira e a ambulancia do 061 (Urxencias Médicas).
O sinistro foi rexistrado en torno ás 15.15 horas desta tarde, á altura do lugar da Mámoa. A persoa accidentada foi un menor de 17 anos, que logo de deixarse atrás o alto da Mámoa, en dirección Carreira, tentou esquivar un vehículo de reparto que estaba tentando incorporarse á circulación dende unha vía secundaria, manobra que rematou co mozo e o seu vehículo esnafrándose contra un contedor de vidro.
