Dende o Bar Plaza de Ribeira veñen de compartir con nós información sobre a campaña solidaria SOS 50, destinada a axudar aos integrantes da familia de Bahaa Al Aryan, mozo palestino co que manteñen continua comunicación o hostaleiro Antonio Lijó e máis Natalia Míguez. O obxectivo é permitir que sobrevivan, no medio da masacre perpetrada contra Gaza dende o Estado de Israel, os 50 membros da familia de Bahaa (de aí o nome da campaña), entre adultos e rapaces menores de idade. Dende o Bar Plaza, rexentado por Tucho na praza de Compostela, están a coordinar a iniciativa solidaria e cidadá, que inclúe o envío de cartos cada sábado á familia. Quen desexe colaborar coa recadación de recursos pode facelo a través do peto do Plaza, por Bizum (no 686 567 788) ou a través do código QR que se inclúe no cartel da campaña.
