Galicia recibirá este xoves 11 a chegada dunha nova fronte, menos activa ca do mércores. A xornada comezará con ceos cubertos e precipitacións que afectarán primeiro á metade oeste.
A partir do mediodía, os ceos quedarán parcialmente anubrados, con chuvascos que se irán estendendo ao resto da comunidade. As temperaturas experimentarán un lixeiro descenso. (19-22 graos).
En canto ao vento, soprará do suroeste, con forza en Bares e intensidade moderada no resto. Xa pola tarde cambiará a compoñente oeste, mantendo intensidade moderada no litoral.
O noso mar; vento do sudoeste á mañá, do oeste á tarde e do nordés á noite, forza 3 a 4 á mañá, 2 a 4 á tarde e 1 a 2 á noite. Marusía á mañá, mar ovellado á tarde e mar rizado á noite. Visibilidade regular á mañá e á noite e mala á tarde. Mar de fondo do noroeste, con ondas de 1.5 a 2.5 metros á mañá e á tarde e 1.5 a 2 metros á noite.
