Galicia vivirá este martes 9 unha xornada de transición marcada pola chegada dunha fronte na segunda metade do día. A mañá comezará con ceos pouco anubrados e algunhas néboas locais, pero a nubosidade irá en aumento co avance das horas.
As primeiras precipitacións farán acto de presenza no noroeste xa a últimas horas da mañá e, pola tarde, as chuvias estenderanse de maneira xeneralizada por toda a comunidade.
As temperaturas mínimas manteranse sen cambios, mentres que as máximas descenderán lixeiramente. En canto ao vento, soprará do suroeste, en xeral frouxo, pero con intensidade moderada no litoral norte e noroeste, chegando a rexistrar intervalos fortes na contorna de Estaca de Bares.
O mércores seguirán as choiavs aínda que empezarán a diminuir a partir do mediodía.
O noso mar: Vento variable á mañá, do sur á tarde e do sudoeste á noite, forza 1 a 2 á mañá, 3 a 4 á tarde e 2 a 4 á noite. Mar rizado á mañá, marusía á tarde e mar ovellado á noite. Visibilidade boa á mañá e regular á tarde e á noite. Mar de fondo do noroeste, con ondas de 1 a 2 metros á mañá e á tarde e 1.5 a 2.5 metros á noite.
