O Concello de Dodro informou dun roteiro co que descubrir algúns dos principais tesouros da contorna do termo municipal e do termo lindeiro de Rianxo, encadrado no programa Goza do Ulla. Trátase do Roteiro de Sendeirismo As Brañas – Tres Cruces (desde A Lavandeira en Imo ata Rañó en Rianxo). A iniciativa vén da man dos concellos de Dodro e Rianxo e conta coa colaboración da Deputación da Coruña. Será o vindeiro 28 de setembro con saída ás 9.30 da mañá. Quen precise máis información tena nos teléfonos 661247136 e 689897223. As inscricións poden facerse na aplicación Cluber. Tamén se pode facer escaneando co móbil o QR do cartel desta nova experiencia de lecer deportivo e cultural de Goza do Ulla 2025.
