Remata agosto cunha xornada do domingo 31, San Ramón, con inestabilidade atmosférica, cos chuvascos que van tras a fronte. Así teremos ceos con intervalos de nubes e claros e chuvascos que serán máis xeneralizados na segunda metade da xornada.
As temperaturas sufrirán un lixeiro descenso (20-22 graos). Os ventos soprarán de compoñente oeste, frouxos pola mañá, aumentando a moderados pola tarde, con intervalos fortes no extremo norte.
O noso mar: Vento do oeste á mañá, do oeste á tarde e do sudoeste á noite, forza 2 a 3 á mañá e á noite e 3 a 4 á tarde. Mar ovellado á mañá e á noite e marusía á tarde. Visibilidade regular. Mar de fondo do noroeste, con ondas de 2.5 a 3 metros á mañá e á tarde e 3 a 4 metros á noite.
