Este festivo , San Bartolomé apóstol, teremos néboas e nubes baixas canto máis ao oeste, onde non se descarta algún orballo puntual á primeira hora. Pola tarde, tendencia á apertura de grandes claros na franxa atlántica, quedando máis nubes na metade norte, no interior crecerán nubes de evolución sen descartar chuvascos treboentos en zonas altas. Temperaturas mínimas en ascenso, máximas sen cambios con lixeiros descensos na metade oeste(28-30 graos). O vento soprará frouxo do norte-noroeste en xeral, moderado nas Rías Baixas pola tarde.
O noso mar: Vento variable á mañá, do noroeste á tarde e do norte á noite, forza 1 a 2 á mañá, 4 a 5 á tarde e 3 a 5 á noite. Mar rizado á mañá e forte marusía á tarde e á noite. Visibilidade regular á mañá e boa á tarde e á noite. Mar de fondo do noroeste, con ondas de 0 a 1 metros á mañá e 0.5 a 1.5 metros á tarde e á noite.
