O parque da Cachada acolle este sábado 23 de agosto a sexta edición da Romaría das Peñas que organiza Peñas Boiro AC e que conta coa colaboración do Concello de Boiro.
A VI edición da Romaría das Peñas dará comezo ás 16.30 horas coa xuntanza das agrupacións e ás 17.00h darán comezo os xogos peñeiros; ás 17.30 horas haberá festa da espuma e ás 18.00h inchábeis para nenos e adultos.
Ás 19.00 horas celebrarase unha festa holi e comezará a sesión musical a cargo a macro discoteca móbil Euphoria Disco Show con actuacións de Galician Army, Mateo Abelleira, Khris/Guez, ManuX, DJ Quin, DJ You e Goxi De Bao.
