A Aula CeMIT do Concello de Boiro comeza o curso con novas propostas formativas para o mes de setembro, que se van impartir no Centro Social de Boiro. Para participar é necesaria inscrición previa mediante o enderezo electrónico axentetic@boiro.org, ou nos teléfonos 981 84 26 35 ou 629 769 139.
A formación do mes de setembro inclúe un curso de Inicio á Informática básica, que se desenvolverá do 9 ao 12 de setembro en horario de 10.00 a 12.30 horas. Ademais o programa inclúe a actividade formativa Inicio á Rede Internet, do 15 ao 18 de setembro no mesmo horario; e Correo electrónico do 22 ao 25 de setembro de 10.00 a 12.30 horas.
