Estímase que, desta vez, o territorio queimado en Galicia supera en só esta semana as 4.000 hectáreas. Só o incendio do pasado luns en Chandrexa de Queixa (Ourense) (3.000 hectáreas) xa superou todo o monte arrasadp polas lapas en Galicia enteira durante o ano 2024. A maior parte destes incendios foi provocada. Por que e quen queima Galicia, agora que se cumpren os primeiros 50 anos da morte de Francisco Franco?. Porque Franco e o seu goberno, segundo a crenza de moitos galegos, eran o obxectivo dos pirómanos. E xa na autonomía, houbo anos nos que o lume non castigou tan duramente coma neste verán do 2025 unha terra, a galega, onde eramos moitos os que pensabamos que, este ano, o monte galego libraba. Máis non libra, non. E o peor de todo é que bo número dos incendios rexistrados non se deben exclusivamente á climatoloxía: a man de pirómanos volve estar nos montes da comunidade galega, do mesmo xeito que o están noutros lugares de España, nomeadamente en Castela-León.
No goberno tripartido que presidiu en Galicia o socialista Emilio Pérez Touriño vivíuse unha situación semellante á actual. Hai quen “ve” nesta semellanza os mesmos obxectivos: un relevo no goberno. Explicaría esto semellantes estragos?. Todo ese crime para que outro acceda á presidencia do goberno?. E como se explica que un cambio en España que poidera levar a un novo inquilino na Moncloa dea por satisfeitos aos que tentarían un troco na sede da Xunta?.
Pode mobilizar toda este conglomerado de opcións a aqueles recoñecidos negacionistas que por negar negan ata o cambio climático?. Poden estes mesmos actuar en contra dos intereses de toda unha nación?.
En boa lei podería dicirse que sí. Pero o dano causado non compensaría, nen moito menos, as opcións dos que supostamente terían que apoiar aos queimamontes, agás no caso dunha tolemia xeralizada.
Galicia non o merece: un monte queimado vai en prexuizo dun pobo que xa pagou abundantemente ser como é: libre.
