Este sábado, a influencia anticiclónica manterá un tempo estable nas Rías Baixas e en Santiago de Compostela, aínda que a xornada comezará con brétemas costeiras e néboas ocasionais nos vales interiores.
Co avance da mañá, os ceos quedarán despexados, favorecendo unha tarde de ambiente moi soleado e temperaturas altas, especialmente no interior, onde se agarda unha sensación de intensa calor( 32 graos).
O vento soprará frouxo do norte, con intervalos moderados nas horas centrais. No litoral, especialmente cara ao sur das Rías Baixas, poderanse rexistrar rachas máis intensas do nordés durante a tarde.
O noso mar. Vento variable á mañá e do norte á tarde e á noite, forza 3 a 5 á mañá e á tarde e 2 a 4 á noite. Marusía. Visibilidade mala á mañá, regular á tarde e boa á noite. Mar de fondo do noroeste, con ondas de 0.5 a 1.5 metros á mañá e 1 a 1.5 metros á tarde e á noite.
