Durante a mañá deste venres 9 de agosto van chegar ao seu remate as obras de pintado da avenida de Ferrol, en Ribeira, segundo vén de confirmalo a Policía Local. Nesta segunda fase pintaranse marcas viarias para a redución da velocidade na proximidade dos pasos de peóns e colocaranse ollos de gato no eixe da vía, para unha mellor delimitación dos carrís en condicións de baixa visibilidade. Dende a Policía Local pregan aos condutores que teñan en conta vías alternativas, pois prevense retencións puntuais de tráfico entre as 11 e as 13 horas ao ter que establecer unha circulación alterna dos vehículos. Con esta actuación o Concello de Ribeira dota dunha maior seguridade aos usuarios da vía e á veciñanza do lugar.
