Un menor foi trasladado ao Hospital Clínico Universitario de Santiago de Compostela despois de ser atropelado na estrada AC-550, ao seu paso por Beneso, na parroquia de Goiáns, no concello de Porto do Son.
O 112 Galicia recibiu o aviso ao fío das 21:00 horas, a través da chamada dunparticular que alertaba da presenza dun rapaz inconsciente na cuneta, tras ser alcanzado por un vehículo.
De inmediato, desde o sala de operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Ribeira, ao GES de Noia, aos axentes da Garda Civil de Tráfico e aos efectivos de Protección Civil.
Tras ser atendido no punto polo persoal sanitario, o ferido foi trasladado ao Hospital Clínico Universitario de Santiago de Compostela.
