A partir deste mércores, Galicia comezará a recuperar lentamente a influencia das altas presións, con ventos de compoñente norte marcando a circulación atmosférica.
Durante a mañá, agárdase maior presenza de nubes, especialmente no terzo norte. Co paso das horas, os ceos abriranse progresivamente, sobre todo na comarca e na metade sur, onde predominará o tempo máis despexado.
As temperaturas experimentarán un lixeiro ascenso (24-28 graos). Os ventos soprarán do norte, frouxos pola mañá e aumentando a moderados pola tarde, especialmente nas zonas costeiras.
O noso mar: Vento do norte á mañá, do noroeste á tarde e do norte á noite, forza 2 a 3 á mañá, 4 a 6 á tarde e 4 a 5 á noite. Mar ovellado á mañá e forte marusía á tarde e á noite. Visibilidade boa. Mar de fondo do noroeste, con ondas de 1 a 1.5 metros á mañá, 2 a 2.5 metros á tarde e 1.5 a 2 metros á noite.
