Galicia irá perdendo progresivamente a influencia anticiclónica. Con esta situación, agárdanse brétemas costeiras e bancos de néboa en zonas do interior, que darán paso a ceos máis abertos na metade sur. As temperaturas sufrirán un moderado descenso, especialmente as máximas (26-27 graos). Os ventos soprarán do norte-noroeste, frouxos en xeral, con refachos moderados na Costa da Morte.
O noso mar: Vento do noroeste á mañá e á tarde e do norte á noite, forza 1 a 3 á mañá e á tarde e 3 a 4 á noite. Mar ovellado á mañá e á tarde e marusía á noite. Visibilidade mala á mañá e regular á tarde e á noite. Mar de fondo do noroeste, con ondas de 1 a 1.5 metros.
