Os días 24, 25, 26 e 27 de xullo celebraranse no concello de Outes as Festas do Santiaguiño, cunha ampla programación musical para todos os públicos. A axenda comezará o 24 e xullo cunha ruada da Banda Xeitura de Esteiro e logo pola noite, na praza do Bosque, cunha actuación de Panorama City, a partir das 21h.
O 25 de xullo haberá ruada da Banda Municipal de Outes (ruada), misa de Santiaguiño cantada na Capela da Serra coa Coral Francisco Añón (ás 12h), concertos da Banda Municipal de Outes e Os Trobadores da Ponte (ás 20h na Horta do Muíño), un concerto de A Banda da Loba (na Horta do Muíño ás 22.30h) e unha verbena na praza do Bosque (ás 23.30) con Fuego. A troula rematará ás 2.30 no Agro das Mozas coa Disco Móbil CDC Truck DJ.
O 26 de xullo comezará cunha ruada a cargo de Jaitas Blues e cunha misa na Capela da Serra (unha misa da Milagrosa cantada ás 12h, a cargo da Coral Francisco Añón). Ás 21h actuará a Orquestra de Instrumentos Populares Galegos Suso Vaamonde (ás 21h na Horta do Muíño) e pola noite haberá verbena con Xosé Lois Romero e Aliboria e co Grupo Alcázar. O broche de ouro porao de madrugada a Disco Móbil CDC Truck DJ Send.
O domingo 27 será a celebración do San Cristovo, coa xa tradicional caravana de vehículos ata O Freixo e a sardiñada na Horta do Muíño (actuará a Escola de Baile Tradicional de Outes). O día comezará cunha ruada de Canlebó de Camboño. Pola noite, verbena a cargo da Orquestra Finisterre e Fátima Pego.
