O Concello de Rianxo presentou as primeiras confirmacións da súa axenda festiva e cultural para estes meses de verán, unha axenda que se irá amplificando os vindeiros días a medida que se vaian concretando máis propostas e que inclúe concertos (nova edición do Festival Noites de Jazz), visitas turísticas guiadas, a tradicional Feira do Libro, exaltacións gastronómicas (a Festa da Xouba) e a proxección de Antes de Nós, a película de Ángeles Huerta que nos achega á vertente máis humana e persoal dun ilustre veciño de Rianxo: Alfonso Daniel Rodríguez Castelao.
Axenda confirmada
-Ao longo dos meses de agosto haberá un ciclo de visitas guiadas por diferentes recursos turísticos do municipio rianxeiro. Ademais, todos os xoves ás 9:30 horas, dende o 3 de xullo ao 28 de agosto, haberá visitas guiadas ao casco antigo da vila.
-Do 24 ao 27 de xullo o Campo de Arriba acollerá unha nova edición da Feira do Libro de Rianxo.
-Entre o 22 e o 27 de xullo teremos unha nova edición da Festa da Xouba de Rianxo. Están previstas visitas guiadas, concertos, mesas redondas e degustacións para festexar o noso produto estrela.
-Entre o 29 de xullo e o 1 de agosto residentes e visitantes volverán vibrar cunha nova edición do Festival Noites de Jazz 2025 do Concello de Rianxo.
-O 23 de agosto haberá dous pases da película Antes de nós, o filme de Ángeles Huerta sobre a vida de Alfonso Daniel Rodríguez Castelao. Producido por Zenit TV, é un dos grandes éxitos actuais (de público e de crítica) do cinema galego, xunto con Sirat de Óliver Laxe. Ofrece un retrato íntimo do célebre artista, escritor e político rianxeiro e está protagonizado por Xoan Fórneas, Cris Iglesias, Nancho Novo e Miguel Insua.
