Este martes agárdase a formación de nubes de evolución que darán lugar a chuvascos localmente treboentos, especialmente nas zonas do interior da Comunidade podendo proucirse chuvascos na comarca o mediodía. Nalgúns puntos, estes episodios de treboada poderían vir acompañados de sarabia.
En canto ás temperaturas, as mínimas experimentarán un lixeiro ascenso. Pola contra, as máximas descenderán na metade sur de Galicia (26-28 graos). O vento soprará do nordés con intensidade moderada na metade norte, mentres que no resto do territorio será de compoñente sur. Ademais, non se descarta a presenza de brétemas nalgúns puntos do litoral.
O noso mar; Vento do sur á mañá e do sur á tarde e á noite, forza 3 a 5 á mañá e 2 a 3 á tarde e á noite. Marusía á mañá e mar ovellado á tarde e á noite. Visibilidade regular. Mar de fondo do noroeste, con ondas de 1.5 a 2 metros á mañá e á tarde e 0.5 a 1.5 metros á noite.
