Esta semana Santa María do Castro (Cabo de Cruz, Boiro) vai celebrar as súas Festas de San Xoán edición 2025: catro días de celebracións (23, 24, 25 e 26 de xuño) que inclúen actividades culturais e relixiosas para todas as idades. Sen dúbida unha das xornadas destacadas será este luns 23 de xuño, o San Xoán Fest, que vén con actuacións de DJ Matrek, Places, Manu X, Goxi de Bao e Mateo F.
Ao día seguinte, martes 24 de xuño (festivo local en Boiro) celebrarase a Romaría de San Xoán, que comezará ás 12.45 cunha misa solemne e coa procesión polo Santísimo Sacramento. Ás 14.00 horas haberá sesión vermú con Arume e Dúo Explosión e a continuación celebrarase o xantar campestre con barra postos de polbo, churrasco e paella.
Ás 17.00 horas do martes celebrarase o festival infantil, que inclúe tobogán de auga, búfalo mecánico e canón de escuma.
O mércores 25 de xuño haberá ás 12.45 horas unha misa solemne e unha procesión pola Virxe de Lourdes con gaiteiros (Os Pequenos do Barbansa).
O xoves 26 de xuño haberá misa solemne ás 12.45 horas e procesión por San Roque cos gaiteiros (Os Pequenos do Barbansa).
