O alumnado do CEIP de Louro (concello de Muros) participou este luns nunha xornada de identificación de especies invasoras. Foi unha iniciativa das Concellerías de Medio Ambiente e Educación do Concello de Muros, dentro do programa de eliminación de invasoras posto en marcha en colaboración con ADEGA.
A experiencia incluíu charlas e saídas sobre a problemática que as especies exóticas invasoras producen nos nosos ecosistemas. Especies como por exemplo a Tradescantia fluminensis (orella de gato), planta invasora que está a afectar a diferentes tipos de fieitos e flora en risco presente no Catálogo Galego de Especies Ameazadas, entre outras especies foráneas.
“A xornada completou a exposición que tiveron 15 días no centro educativo e o programa continuará ata finais de ano”, explicou Laura Rivadeneira, concelleira de Ensino.
“As especies invasoras son unha ameaza para a nosa biodiversidade, polo que é moi importante que os nenos e nenas aprendan a identificalas”, engade a alcaldesa de Muros, Maria Lago.
