O Concello de Boiro abre este luns 16 de xuño o prazo de inscrición nos Veráns Deportivos 2025, actividades en distintas modalidades deportivas que se van desenvolver do 23 de xuño ao 4 de setembro. Toda a información sobre as distintas actividades está dispoñíbel no departamento municipal de deportes.
A XXXII edición dos Veráns Deportivos contén propostas de actividades deportivas para rapaces e rapazas coa colaboración dos clubs deportivos do municipio. Entre as actividades que se desenvolven está o remo, piragüismo, volei praia, baloncesto, atletismo, tenis, taekwondo, vela… así como actividades para mozos e adultos e ximnasia para xubilados.
Ademais das actividades que se desenvolven durante todo o verán, haberá competicións propias que se organizan os clubs deportivos xunto co servizo municipal de deportes como o campus “Rufino Regueira” de natación e triatlón, o campus de baloncesto co Obradoiro CAB, Depor Campus…
O prazo de inscrición das actividades está aberto dende este luns 16 de xuño. Toda a información está dispoñíbel na web municipal, no departamento de deportes situado Edificio das Colonias de Praia Xardín, no enderezo electrónico deportes@boiro.org ou o teléfono 679 712 621.
