O vindeiro venres 13 de xuño ás 20:00 horas terá lugar na Casa da Cultura do Concello de Outes unha charla sobre a tenza responsábel dos animais de compañía. Abordaranse temas como o abandono e o maltrato animal, e tamén sobre a nova Lei do Benestar Animal, aclarando as dúbidas que poidan ter os veciños sobre como garantir o seu cumprimento e contribuír á calidade de vida dos animais.
Na cita sortearase a alimentación do noso can ou do noso gato durante medio ano.
Organizan o Concello de Outes e a organización XEA Protección Animal.
