O Concello de Porto do Son e o Complexo Deportivo da Piscina Municipal volven organizar esta tempada unha actividade formativa gratuíta de ioga ao servizo das veciñas e dos veciños, co obxectivo de completar a oferta local de actividades saudábeis. As clases de ioga desenvolveranse no dito complexo deportivo da Piscina Municipal os martes e os xoves, de balde para as persoas usuarias das ditas instalacións. Darán comezo o 2 de xuño realizaranse ao aire libre, sempre as condicións climáticas así o permitan, ao longo dos meses de xuño, xullo, agosto e setembro. As persoas participantes deberán levar a súa propia esteira. Poden solicitar máis información sobre as clases na recepción da piscina ou chamando ao 604051189.
