O Concello de Boiro está a levar a cabo actuacións para o arranxo do peche perimetral do CEIP Praia Xardín, unha actuación que, segundo lembran dende o Consistorio, acordouse coa ultima xuntanza mantida coa dirección técnica da Consellería de Educación na que foi confirmada a intención da Xunta de Galicia de levar a cabo o arranxo integral na próxima anualidade.
Nesta xuntanza o Concello acadou o compromiso de acometer o arranxo do peche perimetral, que era unha das principais demandas trasladadas dende a ANPA, e a Consellería de Emprego comprometeuse ao arranxo integral do centro na próxima anualidade. “Trátase dunha actuación moi necesaria pois a edificación conta con máis de 40 anos e precisa dunha reforma en profundidade para seguir a prestar os servizos educativos que presta na actualidade”, sinalou o Concello.
