O Concello de Lousame vén de abrir inscricións no obradoiro creativo Debuxando caras, que a artista Silvia Rábade impartirá este venres 16 de maio, ás 18:00 horas, na Casa da Cultura. Un espectáculo de 90 minutos de duración e dirixido a nenos e nenas de máis de 6 anos de idade.
Neste obradoiro, como reza no seu título, a rapazada dedicarase a debuxar caras, algo que parece máis complicado do que realmente é. Así, Silvia Rábade ensinaralles aos pequenos a facer debuxos de caras simplificadas con diferentes estilos. A participación é totalmente de balde, se ben o número de prazas é limitado, polo que é preciso anotarse en bandoticket.com.
