O concelleiro de deportes, Xabier Vidal, e a presidenta da Asociación, María José Carreira presentaron este venres 9 de maio a cuarta edición
da Andaina Contra o Cancro organizada pola Asociación Española contra o Cancro en Ribeira. A cita será o vindeiro 24 de maio; con saída e chegada ao Malecón de Ribeira ás 18.00 h cun percorrido de 5 Km.
O concelleiro de Deportes animou á veciñanza a participar e agradeceu á Asociación polo “seu traballo constante na recadación de fondos para esta
enfermidade”, o custo será de 5 euros para os adultos e 3 euros para nenos e nenas ata os 12 anos.
Pola súa banda, María José Carreira informou dos homenaxeados nesta cuarta edición, “que serán Álex Vidal e Juan Ramón Millares”. A presidenta puxo en valor o traballo destes deportistas.
O punto de venda será a sede da Asociación Española Contra o Cancro en Ribeira (rúa Estatuto no1) o luns, mércores e venres de 11:00 h a 13:00 h e os mércores pola tarde de 17:30 h a 19:30 h.
Tamén na Rede na ligazón específica habilitada sobre a Andaina.
