Un condutor baixo os efectos do alcol arremete contra a terraza dun bar en Ribeira, en plena rúa peonil

02 Maio 2025

Axentes de garda da Policía Local de Ribeira procederon na tarde deste xoves 1 de maio á instrución de dilixencias penais por un suposto delito contra a seguridade viaria. Os feitos aconteceron na céntrica rúa peonil Campo de Marte, cando o condutor dun vehículo todoterreo arremeteu contra a terraza dun establecemento hostaleiro (sen que se tivesen que rexistrar danos persoais entre os clientes) para abrirse paso, ao tempo que esnaquizou unha papeleira do mobiliario urbano.

Os axentes explicaron que a colaboración da veciñanza resultou fundamental unha vez máis. Así, grazas ás testemuñas foi posíbel localizar a este condutor na parroquia de Aguiño e sometelo ás probas de alcolemia, nas que arroxou un resultado superior aos 0.60 mlg/l taxa obxectiva do delito e deste xeito presentalo diante da Autoridade Xudicial.

Ademais os axentes contaron coa colaboración dunha parella de motoristas da Agrupacion de Trafico, aos que con anterioridade este mesmo condutor os eludira nun control no municipio de Boiro.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.