Augas de Galicia contribúe a eliminar un punto de vertido de augas residuais en Rois

02 Maio 2025

A Consellería de Medio Ambiente e Cambio Climático, a través de Augas de Galicia, contribuíu a eliminar recentemente un punto de vertido de augas residuais de carácter municipal na parroquia de Urdilde, no concello coruñés de Rois. O persoal do Programa de Control de Vertidos do organismo hidráulico autonómico iniciou as actuacións no marco dos labores rutineiros de inspección na rede fluvial do municipio.

O episodio tiña a súa orixe nunha fosa séptica existente na zona que presentaba incumprimentos nos límites autorizados e o vertido chegaba directamente ao rego de Vilariño. A situación foi trasladada ao titular da instalación co fin de que adoptase as medidas oportunas para eliminar os aportes contaminantes ao dominio público.

Unha nova visita á zona permitiu corroborar a emenda do punto de vertido froito dos traballos vencellados á execución da obra da estación depuradora de augas residuais (EDAR) de Urdilde, que permitiron anular esa infraestrutura preexistente e substituíla por unha de mellores características e máis eficiente.

Outros artigos

Domingo 1, tempo seco con sol despexado en Santiago e nas Rías Baixas

Este primeiro de novmebro, Todolos Santos, Galicia continuará baixo o dominio do anticiclón situado sobre as Illas Británicas, o que asegurará unha xornada de estabilidade xeneralizada en boa parte do territorio. O día comezará con bancos de néboa e nubes baixas en...

+

Publicidade

Revista en papel

Opinión

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.