Os clubs de remo de toda a zona norte daranse cita na Regata de Traiñeiriñas da Pobra

29 Abril 2025

A Pobra do Camariñal será, un ano máis, o escenario da Regata Liga Norte Traiñeiriñas, unha proba que contará con representación de preto dunha decena de clubs de remo. O evento, organizado polo Club de Remo da Pobra (Club de Remo Puebla) en colaboración co Concello e a agrupación de Protección Civil da Pobra, terá lugar este domingo, 4 de maio, na dársena do porto comercial.

Os clubs da Regata Liga Norte Traiñeiriñas participarán divididos en tres categorías: absoluta, xuvenil e cadete (masculino e feminino). No caso das dúas primeiras, as embarcacións cubrirán unha distancia total de 3.500 metros, mentres que as agrupacións de cadete percorrerán 1.750 metros.

Trátase dunha regata de pretempada e de carácter amigábel que funcionará como evento de transición de cara á época estival, onde a modalidade traiñeira volverá ser a gran protagonista. A diferenza desta, na traiñeiriña nas embarcacións viaxarán seis remeiros e un patrón. A do domingo será unha preparación para dúas das competicións que se desenvolverán na Pobra en maio: o Campionato Provincial de Traiñeiriñas (10 e 11 de maio) e o Campionato de España (24 e 25 de maio), unha das citas de maior repercusión deportiva que se celebrarán no municipio este ano.

Carácter solidario

Ademais da propia competición deportiva, o Club de Remo porá a disposición do público asistente unha cantina solidaria. Todo o que se recade durante a Regata destinarase á reconstrución das instalacións do Club da Pobra, tralo incendio sufrido en xaneiro.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.