Ribeira recibe ás campioas galegas alevinas do Club de Remo

28 Abril 2025


O Concello de Ribeira viviu na xornada deste domingo 27 de abril un momento de grande emoción e orgullo coa recepción oficial ás deportistas
alevinas do Club de Remo, recentemente proclamadas campioas galegas e sextas clasificadas a nivel estatal no campionato celebrado na localidade
cántabra de Castro Urdiales. A comitiva organizouse na entrada de Ribeira, nas Saíñas, para logo facer unha pitada de coches até Aguiño. A comitiva parou na estatua do mariñeiro para sacar unha foto de familia e ovacionar ás campioas. As mozas sentiron a calor dos seus adestradores, familiares e veciñanza.

Nesa parada o adestrador Suso Silva achegou ás deportistas unhas palabras de afecto e recoñecemento polo seu traballo de entrega e polos excelentes resultados acadados, que “poñen de relevo o nivel do deporte de base en Ribeira”. Tamén estiveron no acto o concelleiro de Mar, Fernando Abraldes, e o alcalde, Luís Pérez Barral, quen destacou o mérito do conseguido polas mozas do Club de Remo Ribeira, facendo fincapé no valor que ten para a cidade contar cunha canteira de deportistas que, malia a súa xuventude, xa son exemplo de éxito: “Queremos trasladarvos o cariño de todo o pobo de Ribeira. Sentímonos profundamente orgullosos do voso logro e da imaxe tan positiva que estades a dar da nosa cidade. Estes triunfos son froito do voso esforzo, seguide así e moitos parabéns”, afirmou o rexedor.

Pérez Barral tamén quixo agradecer o traballo do Club de Remo e das familias, “pola súa dedicación e polo apoio que brindan ás mozas e mozos que practican este deporte”. O alcalde subliñou que “o éxito destas mozas é tamén un exemplo para toda a mocidade de Ribeira, un reflexo de que, con traballo e ilusión, se poden acadar metas moi altas”.

O acto rematou cunha grande ovación para estas novas campioas, que xa son un orgullo para toda Ribeira.

Outros artigos

O filme documental 360 curvas proxéctase este domingo en Boiro

O Ciclo de Cine Mestre Mateo, impulsado nos concellos pola Academia Galega do Audiovisual, volveu poñer o foco en Boiro para dar coñecer ao público a rica colleita cinematográfica galega deste último ano. Sen ir máis lonxe, este domingo 18 de outubro proxectarase no...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.