O Concello de Porto do Son acolle dende este venres 25 de abril o novo servizo de unidades móbiles para expedir ou renovar o DNI ou pasaporte en apenas 10 minutos, ao igual que sucede en comisaría.
Ata agora existían este tipo de unidades móbiles, pero tan só se podían facer trámites relacionados co DNI e, ademais, era preciso unha espera de tres días entre a entrega de datos e a recollida do documento.
Así, unha destas unidades estará situada na fachada marítima de Porto do Son, ao carón do Club Náutico, de luns a venres, en horario de 9:00 a 14:00 horas. As persoas interesadas xa poden reservar unha cita a través do teléfono 881 98 85 50.
O alcalde, Luis Oujo, visitou hoxe a oficina móbil que visitará todos os meses o municipio sonense.
