Os alcaldes dos Concellos de Ames, Padrón, Dodro, Rianxo, Boiro, A Pobra e Ribeira volven pronunciarse sobre a necesidade de liberalizar a AP-9, destacando a importancia estratéxica do treito Santiago-Padrón. Fano trala publicación da conta de resultados de Audasa, que facturou máis de 210 millóns de euros no ano 2024. Os rexedores dos Concellos asinantes do manifesto para á liberalización da AP-9 o pasado mes de febreiro entenden que a solicitude enviada ao Ministerio de Transportes para a creación dunha mesa de diálogo entre Concellos afectados e Goberno de España para abordar a gratuidade desta infraestrutura dende un punto de vista municipalista é “máis necesaria que nunca”.
Os rexedores conclúen que “AUDASA está esquilmando aos nosos veciños e a nosa actividade económica, o tramo Santiago-Padrón en particular e AP-9 en xeral debe ser libre canto antes”. Deste xeito responsábeis locais de distinto signo político volven unirse para “facer patente a necesidade de abordar esta situación dende un punto de vista apartidista e poñendo ás persoas como prioridade á hora de actuar.
