O presidente da Deputación visitará o Pozo do Cachón en Muros para avaliar a súa situación

14 Abril 2025

O presidente da Deputación da Coruña, Valentín González Formoso, reuniuse este luns 14 de abril coa tenente de alcalde e concelleira de Cultura e Turismo de Muros, Caridad González Cerviño, para abordar a situación do Pozo do Cachón, un dos muíños de marea máis importantes que se conservan en Europa, que permanece pechado ao público debido a diversos problemas estruturais e de conservación, segundo confirmou o Concello este mesmo mes de abril.

En concreto, o Concello de Muros viuse obrigado a suspender as visitas ao inmóbel por mor das filtracións de auga causadas polo mal estado da cuberta e pola afectación que a salinidade está a provocar na pedra do edificio, comprometendo a súa conservación, segundo explicou Caridad González Cerviño.

A concelleira trasladou ao presidente da Deputación a necesidade “dunha intervención para preservar este elemento patrimonial, etnográfico e museístico de gran valor para o concello e para toda a comarca”.

Formoso interesouse pola situación do edificio e comprometeuse a “visitar persoalmente o Pozo do Cachón” acompañado de persoal técnico do departamento de Patrimonio da Deputación para supervisar in situ o seu estado e analizar as posíbeis actuacións que contribúan á conservación deste singular edificio.

O Pozo do Cachón, tamén coñecido como Muíño de Bazarra, foi construído a comezos do século XIX e destaca polo seu dique de máis de 230 metros que aproveita o movemento das mareas para moer o gran. No seu día, chegou a contar con catro moas capaces de transformar máis de 200 quilos de gran por hora.

O muíño foi rehabilitado nos anos 90 con fondos da Deputación da Coruña para transformalo nun centro cultural e museo, sendo un dos principais atractivos turísticos e patrimoniais do municipio de Muros.

Outros artigos

Publicidade

Revista en papel

Opinión

“Compartir el éxito de la empresa”. José Castro López

“Compartir el éxito de la empresa”. José Castro López

Conté en comentarios anteriores la historia del italiano, Enzo Rossi, director de unafábrica de pasta, que en el año 2007 se asignó un sueldo de 1.000 euros al mes paraexperimentar en carne propia si era posible vivir con esa cantidad y comprobar así lascondiciones...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.