Galicia empregará a intelixencia artificial para mellorar a xestión dos recursos da ría de Arousa

09 Abril 2025

Para o desenvolvemento deste proxecto, denominado MaruxIA, a Consellería do Mar estima un investimento de 3 millóns de euros.

A Consellería do Mar, a través da Compra Pública de Innovación da convocatoria 2025, propón a creación dun xemelgo dixital que modele a influencia de múltiples variables ambientais e antropoxénicas sobre o ciclo de vida de diferentes especies de interese comercial residentes na Ría de Arousa. Trátase do proxecto MaruxIA, que podería ter un investimento de 3 millóns de euros, e a través do que se contribuiría a garantir a sustentabilidade e a eficiencia na xestión dos recursos naturais, pois dispor deste sistema axudará no deseño de estratexias que preserven os ecosistemas. Asemade, permitiría por en valor a biodiversidade, ao modelar e integrar estes factores e medir o seu impacto na Ría; e, por último, tecnificaría o sector primario, reforzando a competitividade e optimizando a produtividade e sostibilidade mediante a mellora de toma de decisións.

Neste senso, a iniciativa incluiría dous restos principais. O primeiro, a realización de simulacións de poboacións virtuais en tres bancos marisqueiros a partir dun stock inicial e taxas de recrutamento, crecemento e mortaldade. O obxectivo, a obtención de estimacións nestas área pois, na actualidade, os datos analízanse con modelos tradicionais, aplicados de forma illada por banco e especie. De feito, algúns dependen de descargas manuais, usan valores estáticos e omiten variables relevantes. Ademais, só proporcionan datos retrospectivos, que son insuficientes para predicións a curto e medio prazo.

En segundo lugar, o estudo da evolución dos cefalópodos e pectínedos derivada dos efectos do cambio climático, como poden ser o polbo, a sepia, a vieira ou a volandeira. Para elo, a plataforma debería incorporar unha capa de visualización que permita simular e visualizar sobre o mapa da Ría os distintos factores ambientais, de xeito que facilite anticiparse aos seus efectos e impactos a medio e longo prazo.

Resultados

Cos resultados obtidos, obteríase unha visión integrada dos factores ambientais, económicos e sociais, coñeceríase con precisión o stock de especies comerciais a curto e medio prazo, e determinaría o asesoramento a produtores e empresas para mellorar a calidade e produtividade, o acceso a mercados máis esixentes logo dunha xestión máis eficiente dos recursos, a mellora da planificación e estratexias de conservación, a optimización da investigación e, no campo da I+D+I, a creación dun ecosistema de innovación entre análise de datos, ciencia e explotación mariña, promocionando as novas tecnoloxías no sector pesqueiro e marisqueiros e mellorando a xestión ecosistémica, a través da retroalimentación entre investigación e práctica.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

O Culturgal Expandido recala esta semana en Muros

A edición 2026 do Culturgal Expandido chega esta fin de semana ao Mercado Municipal de Muros cunha programación gratuíta e para todas as idades. Na presentación do programa participaron Natividad Gonzalez, deputada de Cultura da Deputación da Coruña; María Lago,...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.