O Torneo de Chave das Festas de Pascua de Padrón celebrarase do 23 ao 25 de abril

04 Abril 2025

O tradicional Torneo de Chave, unha das citas clave da axenda das Festas de Pascua de Padrón, celebrará a súa undécima edición entre os días 23 e 25 de abril no paseo do Espolón.

A competición, de carácter individual, contará cunha fase clasificatoria os días 23 e 24 de abril a partir das 18:00 horas, mentres que a fase final terá lugar o venres 25 de abril. Ese mesmo día disputarase tamén o campionato infantil, dirixido a rapazas e rapaces menores de 16 anos, que se desenvolverá entre as 17:00 e as 18:00 horas.

As persoas interesadas en participar poden inscribirse ata o mércores 23 de abril ás 14:00 horas na oficina de deportes do Centro Social ou chamando aos teléfonos 664 07 69 74 ou 660 977 037.

Na edición de 2024 non houbo sorpresas e Ciríaco proclamouse campión do torneo, seguido de Luis e Ángel, nunha competición que contou con 24 xogadores e unha xogadora.

O torneo infantil tamén tivo unha ampla participación, con 16 nenos e nenas, o que confirma o relevo xeracional desta práctica tradicional.

O Torneo de Chave das Festas de Pascua de Padrón segue consolidándose como unha cita destacada dentro do programa festivo, “combinando competitividade, tradición e participación interxeracional”, informou o Concello.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.