A Asociación de Empresarios de Ribeira impulsou este mes de abril unha nova iniciativa de dinamización comercial e reivindicación das (moitas) vantaxes de mercar en clave local. Trátase da campaña Pascua no Comercio, que se desenvolve dende o 4 até o 20 de abril, sorteando 150 euros en vales de compra, co que a patronal de Ribeira busca “incentivar as compras nos establecementos de proximidade neste tempo de Semana Santa” e, tamén, nos días previos á celebración. Con cada compra os clientes poden participar no sorteo rexistrando o seu tícket na páxina web empresariosriveira.com ou escaneando os código QR que estará presente nos carteis e flyers repartidos polos comercios e establecementos asociados. Esta campaña está co-financiada pola Xunta de Galicia.
