A Garda Civil incautou 80 quilogramos de ourizo de mar en Aguiño ao superar o tope de extracción establecido. Ademais, os exemplares non alcanzaban a talla nin o tempo de maduración requiridos. Desde a Comandancia da Garda Civil da Coruña confirmaron o comiso, coa colaboración do Depósito aguiñense, cuxos vixiantes axudaron a devolver o recurso ao mar.
Este suceso ocorre en plena campaña de extracción do ourizo de mar, que se desenvolve durante 40 días entre febreiro e marzo. O límite diario de captura é de 20 quilogramos por tripulante e 40 quilogramos por embarcación, polo que a cantidade comisada superaba o permitido. A extracción concéntrase en zonas como Sálvora, Sagres, Couso, Corrubedo, Espiñeirido e O Feltro.
A pesar de que o mal tempo marcou o mes de febreiro, as condicións meteorolóxicas melloraron en marzo, permitindo unha mellor actividade pesqueira. Fontes da confraría calificaron a campaña como “bastante boa”, con bos resultados e expectativas favorables para as dúas semanas restantes. O prezo medio de venda na lonxa mantense en 10 euros por quilogramo.
