Este sábado 8 de marzo arrinca con “Quen o diría” a Mostra de Teatro Amador de Outes

05 Marzo 2025

O grupo de teatro Terra de Outes e o Concello de Outes achegan esta tempada unha iniciativa cultural que pon o foco nas artes escénicas dende un punto de vista non profesional: a primeira edición da Mostra de Teatro Amador de Outes “Nicolasa Añón”. A axenda inclúe funcións todos os sábados ás 20.00 horas, dende o 8 de marzo ate o 12 de abril, no auditorio da Casa da Cultura. A escolma de pezas a representar foi elaborada pola Asociación Cívico-Cultural Terra de Outes conxuntamente co Concello. O obxectivo da mostra é dar a coñecer agrupacións de teatro amadoras e achegar o seu traballo á veciñanza e visitantes.

As obras serán de acceso libre e gratuíto ate completar aforo polo que non se farán reservas.

As funcións comezan este sábado 8 de marzo, con Quen o diría, da Asociación Charamela de Melide.

As representacións continúan o 15 de marzo con Torrente, república independente, de Conxoconarte (Conxo, Santiago).

Proseguen o 22 de marzo con O Mestre, da Asociación Cultural O Xeito de Esteiro (Muros).

O 29 de marzo será a quenda de Asalto de cama, de Teatro do Muíño (Laraño, Santiago).

O 5 de abril celebrarase a estrea da obra O doente imaxinario… Daquela maneira do grupo anfitrión.

A axenda remata o 12 de abril con Moito ruído e poucas noces, de Teatro Carauta (San Pedro, Santiago).

A axenda ao completo pódese consultar na web municipal, outes.gal.

Outros artigos

Publicidade

Revista en papel

Opinión

“Escoitar o vento”. Xosé Antonio López Silva

“Escoitar o vento”. Xosé Antonio López Silva

Cando a secretaria da Academia Sueca a chamou para comunicarlle a concesión do Nobel de Literatura, Anne Carson estaba en Islandia, segundo dixo, escoitando o vento. Aos setenta e seis anos, unha muller que viviu de ensinar grego antigo, traduciu a Safo e deulle nova...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.