A Xunta impulsa a difusión dos queixos “Galicia Calidade” en Noia

24 Febreiro 2025

A xerente de Galicia Calidade, Ana Méndez, participou na Asociación Misela na presentación dunha nova campaña, “Semana Saudable: Unha semana para coñecer os queixos con DOP”, para fomentar o coñecemento dos produtos lácteos entre os máis pequenos. Ana Méndez, destacou a importancia desta acción pedagóxica e divulgativa, que se centra en achegar o mundo dos lácteos ás novas xeracións, resaltando a importancia do noso patrimonio gastronómico.

A catadora de queixos, Salomé Beiroa, guiará dende hoxe ata o venres 28 de febreiro, aos estudantes de catro centros educativos e dúas asociacións de educación especial, situados no concello de Noia, nunha experiencia sensorial que permitirá coñecer a orixe e o proceso de elaboración dos queixos con DOP de Galicia. 

Os alumnos e alumnas participarán nunha serie de actividades nas que aprenderán as diferenzas entre leite cru e pasteurizado ou entre o queixo fresco ou curado, ou as diferentes denominacións de orixe coas que conta Galicia neste eido (San Simón da Costa, Cebreiro, Arzúa-Ulloa e Tetilla).

Como parte da experiencia, faranse catas de queixos de distintas empresas lácteas que posúen o distintivo de Galicia Calidade, como Feiraco, Innolact (Quescrem), Larsa, Leyma Natura, Río de Galicia, Pazo de Anzuxao, Pazo do Queixo, Queixería Barral, Queixería Casleiras, Queixería Daniberto, Queixería Santo André e Quesos Feijoo. A iniciativa tamén conta coa colaboración de Galifresh, que achegará a súa gama de purés de froita, dotada co selo de garantía Galicia Calidade.

Sobre Galicia Calidade

Galicia Calidade, integrada en Turismo de Galicia, é a marca de garantía que certifica a calidade dos produtos e servizos que, pola súa elaboración en Galicia, pola súa materia prima ou deseño galegos, merezan esta distinción. Na actualidade, conta con máis de 170 empresas adheridas e máis de 880 produtos ou servizos avalados co selo de garantía, que engloban aos sectores agroalimentario, mar, turístico, xoieiro, industrial, xeotérmico e de planta ornamental.

Outros artigos

Publicidade

Revista en papel

Opinión

“Compartir el éxito de la empresa”. José Castro López

“Compartir el éxito de la empresa”. José Castro López

Conté en comentarios anteriores la historia del italiano, Enzo Rossi, director de unafábrica de pasta, que en el año 2007 se asignó un sueldo de 1.000 euros al mes paraexperimentar en carne propia si era posible vivir con esa cantidad y comprobar así lascondiciones...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.