Luns 24, unha fronte fría traerá chuvias e forte ondada

Este luns, 24 de febreiro, unha fronte fría activa atravesará Galicia de oeste a leste ao longo da xornada, deixando ceos cubertos e precipitacións xeneralizadas. As chuvias comezarán de madrugada na provincia da Coruña e estenderanse a toda a Comunidade a partir do mediodía, sendo localmente fortes na metade norte e oeste.

As temperaturas mínimas experimentarán un moderado ascenso, mentres que as máximas sufrirán un lixeiro descenso. O vento soprará con forza do sur-suroeste no litoral e de maneira moderada no resto do territorio, rolando a noroeste co paso da fronte.

No mar, espérase un mar de fondo do oeste con ondas de entre 5 e 6 metros na costa, polo que se recomenda precaución.

Atención para luns 24: Precipitacións xeneralizadas, localmente fortes na provincia da Coruña. Mar de fondo do oeste con ondas entre os 5 e 6 metros no litoral.

O noso mar; Vento do sur á mañá, do sudoeste á tarde e do noroeste á noite, forza 5 a 7 á mañá, 5 a 6 á tarde e 4 a 5 á noite. Media vaga á mañá e forte marusía á tarde e á noite. Visibilidade mala á mañá e á tarde e regular á noite. Mar de fondo do oeste, con ondas de 5 a 5.5 metros á mañá e á tarde e 4 a 4.5 metros á noite.

Cámaras web da comarca  (algunha pode nun funcionar puntualmente)

1. Coroso directo _ Santa Uxía de Ribeira
2. Praia de Balieiros directo- Corrubedo
3. Praia da Ladeira directo- Corrubedo
4. Praia das Furnas directo. Porto do Son
5. Praia Aguieira directo.Porto do Son
6. Portosín. Porto do Son
7. Sálvora. Santa Uxía de Ribeira
8. Pobra do Caramiñal directo. A Pobra
9. Centro Náutico do Freixo
10. Praia de Carnota
11. Praia de Corón Vilanova de Arousa
12. O Grove