O alcalde de Porto do Son, Luis Oujo, xunto ao concelleiro de Deportes e Xuventude, Carlos Lorenzo, visitaron este luns 17 de febreiro a carpa informativa da campaña itinerante Agora temos 5 contedores, que recalou na praza de España da vila sonense.
A campaña, que se inicia en Porto do Son, vén promovida pola Mancomunidade Serra do Barbanza e Ecoembes. Nela explicase con detemento a chegada do novo contedor gris, o contedor de resto, destinado a aqueles residuos que non sexan envases ou que non teñan un lugar específico de recollida no municipio: produtos hixiénicos usados, máscaras, cueiros, xoguetes rotos, cristais, vaixelas ou cubertos, obxectos de plástico ou metal que non sexan envases, entre outros.
